Crítica de Paula Fernández sobre «O souto escuro e perigoso», de Miguel Vázquez Freire

8 Setembro 2011

Uncategorized

Paula Fernández publica no suplemento Faro da Cultura, de Faro de Vigo, unha recensión crítica sobre O souto escuro e perigoso, de Miguel Vázquez Freire, ilustrado por Xosé Tomás.

O medo á escuridade

Divertido episodio

Desde logo, o máis habitual cando falamos dos bosques na literatura infantil, é pensar en lugares magníficos: espazos con fermosas árbores verdes que baixo un ceo azul dan acubillo ao rechouchío de lindos paxariños, un locus amoenus onde a noite e os perigos semellan non existir.
Por iso sorprende este territorio que nos amosa un autor con tanta experiencia pedagóxica como Miguel Vázquez Freire, (Corcubión, 1951), quen xa dende o título do conto, O souto escuro e perigoso –publicado na colección “Merliño”, de Xerais- incide na escuridade, e no ton mouro de moitos dos seus habitantes, os máis feros, que se contrapoñen a un inofensivo coelliño branco que pasea polas ilustracións de Xosé Tomás (Betanzos, 1971), para rematar amosándonos tamén que o medo constitúe un sentimento que non ten por que nos dominar. A aparición do temor debe ir parella ás circunstancias que nos acompañan, e, se estas son favorables, entón pode producirse un episodio tan divertido como o que podemos ler ao longo destas páxinas.
Tanto as ilustracións, finas liñas brancas que debuxan figuras sobre un fondo negro, coma o texto, que non deixa de repetir o negro e perigoso que son o bosque, o seu lobo e mais o seu oso, aínda que empregando unha linguaxe case colorista pola súa dozura na profusión no emprego de diminutivos, recrean un espazo moi afastado dese lugar idílico que cabería agardar, e xa o desenlace conduce a quen le a unha reflexión sobre algo que tanto atormenta moitas veces aos rapaces e e ás rapazas, o medo á escuridade.

Paula Fernández

Chuzame! A Facebook A Twitter

Crítica de «O souto escuro e perigoso», de Miguel Vázquez Freire, en Trafegando ronseis

21 Xuño 2011

Álbums,Blogs,Críticas,Infantil,Merlín

O blog Trafegando ronseis publica unha recensión crítica sobre O souto escuro e perigoso, de Miguel Vázquez Freire, ilustrado por Xosé Tomás.

Publica Xerais este orixinal libro con texto de Miguel Vázquez Freire e ilustracións de Xosé Tomás: O souto escuro e perigoso dentro da colección Merliño. E digo orixinal porque o primeiro que chama a atención son as ilustracións: un libro absolutamente negro onde destaca o gris do debuxo e as letras do texto en branco, todo isto posto en función do medo que debe provocar o relato. Un texto que nos fala dos perigos aparentes do bosque porque alí moran animais moi, moi grandes e perigosos; tanto, que nada poden facer contra animais pequenos e nada perigosos que amosan a súa intelixencia: e é que máis vale maña que forza!
Por certo, encantoume o coelliño no seu tobo papando a cenoria tan tranquilo: é absolutamente adorable.

Chuzame! A Facebook A Twitter

«O arco da vella» na Feira do Libro da Coruña

4 Agosto 2009

Feiras_do_libro,Infantil,Merlín,Noticias,Presentacións

XG00163301Mañá mércores, 5 de agosto, ás 18:00 horas celebrarase na Feira do Libro da Coruña un acto arredor do libro O arco da vella, de Charo Pita, ilustrado por Xosé Tomás. No acto participaran os autores que contarán para os nenos e nenas.

Chuzame! A Facebook A Twitter

Xerais na Feira do Libro da Coruña

24 Xullo 2009

Feiras_do_libro,Presentacións

Na Feira do Libro da Coruña, que se celebrará nos xardíns de Méndez Núñez, do 1 ao 10 de agosto, Xerais ten programadas as seguintes actividades:

Día 1.  Sábado

Capa o sombreiro chichiriteiro .indd18.30    O escritor e xornalista Manuel Rivas asinará exemplares do seu libro O sombreiro chichiriteiro e de toda a súa obra.

Día 3.  Luns

20.00    Conferencia do profesor Xesús Alonso Montero arredor dos seus libros máis recentes: Cartas de republicanos galegos condenados a morte (1936-1948), publicado por Edicións Xerais de Galicia e Ramón Piñeiro ou a reinvención da cultura galega, publicado pola Editorial Galaxia.

Día 4.  Martes

capa_lostregos.indd19.30    Xosé Neira Vilas asinará exemplares dos seus libros.

21.00    O escritor Xosé Neira Vilas, presenta o seu libro Lóstregos.  Xunto co autor, participará no acto Manuel Bragado.

Día 5.  Mércores

18.00    A feira dos nenos. Acto arredor do libro O arco da vella, de Charo Pita, ilustrado por Xosé Tomás.  Participarán os autores do libro.

XG0016740120.00    O escritor e xornalista Luis Rei Núñez presenta o seu libro Monte Louro, (Premio Blanco Amor de novela 2009). Xunto co autor, participarán no acto o escritor Xavier Seoane e Manuel Bragado.

Día 6.  Xoves

19.00    O escritor e xornalista Carlos G. Reigosa asinará exemplares do seu libro (Premio Torrente Ballester de novela 2008) A vida do outro.

Día 7.  Venres

20.00    Xabier P. Docampo (autor) e Xosé Cobas (ilustrador), asinarán exemplares d O Libro das viaxes imaxinarias (Premio Irmandade do Libro 2009 da Federación de Libreiros de Galicia).

Chuzame! A Facebook A Twitter

«O arco da vella», presentación na Feira do Libro de Santiago

2 Maio 2009

Infantil,Merlín,Noticias,Presentacións

10002827513Mañá domíngo, 3 de maio, ás 18:00 presentarase O arco da vella, o álbum da serie «Merliño» escrito por Charo Pita e ilustrado por Xosé Tomás. A autora fará unha sesión de contacontos dirixida aos lectores novos arredor do do libro.

Chuzame! A Facebook A Twitter

Xerais, novidades de abril

7 Abril 2009

Crónica,Fóra_de_colección,Infantil,Merlín,Narrativa,Noticias,Radio,Teatro

xg00152001Neste mes, o abril dos libros, Xerais poñerá nas librarías once títulos.

Na colección Xerais Narrativa aparecerán as novelas O’ Salto do Can de Jorge Llorca e Tempo de centeo de Xosé Fernández Ferreiro.

Na serie Letras Galegas a novela de Daniel Ameixeiro Ramón Piñeiro. Os días ocultos.

En colaboración coa Radio Galega e AGADIC o disco libro do IIIº Premio Diario Cultural de Teatro Radiofónico.

En Xerais Crónica, Galicia solidaria, obra coordinada por Xulio Ríos e Carlos Teijo, membros do IGADI.

En Xerais Manuais Do orixinal ao libro. Manual de edición técnica de Juan Blanco Valdés, que será presentado, o 23 de abril, con motivo do Día Internacional do Libro.

xg00154401Así mesmo, na renovada serie Merliño aparecerán catro novos títulos, encadernados en tapa dura: Pinga de choiva de Ánxela Gracián, ilustrado por Daniel Díaz Trigo; O arco da vella de Charo Pita, ilustrado por Xosé TomásDona Landra no río revolto de Alberto Varela Ferreiro e Baldrás, o xigante, libro cedé de Iolanda Eiras, ilustrado por Francisco Bueno.

Por último, na serie de libros ilustrados publicarase Cabalos de vento, curros de pedra, froito da colaboración creativa entre o fotógrafo Xavier Teniente e o pintor Xosé Guillermo, recentemente falecido.

Chuzame! A Facebook A Twitter

Xerais, novidades de marzo

25 Febreiro 2009

Crónica,Fóra_de_colección,Infantil,Merlín,Narrativa,Noticias

Capa NarrativaNo vindeiro mes de marzo Xerais publicara unha ducia de novidades.

No eido da edición literaria, na colección Xerais Narrativa aparecerán a novela Peaxes de Santiago Lopo e o libro de relatos Para seguir bailando de Francisco X. Fenrández Naval.

En Xerais Crónica publicaranse as Conversas con Celso Emilio Ferreiro preparadas por Ramón Nicolás Rodríguez.

Na serie Letras Galegas a novela de Daniel Ameixeiro Ramón Piñeiro. Os días ocultos.

En Xerais Manuais aparecerá Do orixinal ao libro. Manual de edición técnica de Juan Blanco Valdés.

Capa o sombreiro chichiriteiro .inddNesta entrada editorial da nova primavera particular importancia terá a edición infantil na que se publicará, dentro da colección Xerais Merlín  O sombreiro Chichiriteiro, o primeiro libro infantil de Manuel Rivas, ilustrado por Patricia Castelao.

Así mesmo, na renovada serie Merliño aparecerán catro novos títulos, encadernados en tapa dura: Pinga de chuvia de Ánxela Gracián, ilustrado por David Díaz Trigo; O arco da vella de Charo Pita, ilustrado por Xosé Tomás;  Dona Landra no río revolto de Alberto Varela Ferreiro e Baldrás, o xigante en Vilapedra, libro cedé de Iolanda Eiras, ilustrado por Francisco Bueno.

Por último, na serie de libros ilustrados publicarase Cabalos de vento, curros de pedra, froito da colaboración creativa entre o fotógrafo Xavier Teniente e o pintor Xosé Guillermo, recentemente falecido; e na de materiais didácticos Lingua e Literatura Galegas. probas de Selectividade 2009.

Chuzame! A Facebook A Twitter